Smartphone Photography & Videography (Wa pa Mahuman)

Pag-shoot sa Larawan o Video Gamit ang Cellphone/Smartphone Sumala sa Standard

Gihan-ay ni Mario "Yong" dela Cerna sa RTC-KorPhil Davao

Tahas: Unsaon pag-shoot nga tama gamit ang smartphone/cellphone (cp)?

Mga resulta nga gilaoman pagkahuman makat-onan kini nga leksyon:

Mahibaw-on unsa ang "Triangle of Exposure".

Ma-adjust ang mga "settings" sa smartphone aron makuha ang tamang exposure.

Mapahimuslan ang mga "apps" para sa photography ug videography aron mas monindot ang resulta sa trabaho.

Mahibaw-an unsa ang "Hardlight ug Softlight" kauban sa "low light" ug 3-point lighting.

Matul-tulan ang tama nga "Camera Angle" sa pag-shoot.

Malikayan nga dili mokurog, dili blurred ug dili ngit-ngit ang kuha sa cp camera.

Learning Content 1 | Unsa ning gitawag nga "Triangle of Exposure"?

Ang triangle of exposure mao ang APERTURE, SHUTTER SPEED ug ISO. Gigamit kini sa photography ug videography..

Ang aperture mao ang gamay nga ablihanan sa camera nga didto moagi ang kahayag. Maapektuhan niini ang kuha sa imong modelo/subject ug ang palibot (background) niya. Atong tan-awon ang larawan para dali masabtan. Fstop ang tawag sa sukod sa abli sa camera alang sa aperture.

References: medium.com, ali express, life hack

Atong masabtan nga kung nagkadako ang abli (apan nagkagamay ang fstop number) nagkahanap ang background, apan kung magkagamay ang abli (magkadako ang fstop number) magkaklaro pud ang background. Sa smartphone, tataw natong ma obserbahan ni sa "PORTRAIT" nga feature nga diin ang background hanap gayud pero ang subject klaro - nindot kini nga art sa photography ug videography.

Ang Shutter Speed mao ang kakusog o kahinay sa camera sensor nga ma-expose sa kahayag. Mao na kung mag-shoot ka'g mga paspas ang lihok sa modelo/subject unya hinay imong shutter speed, mo blur jud o di kaya morag naay mga kalag kauban sa model. Apan sa cellphone kasagaran taas na daan ang shutter speed (dili noon tanan nga brands). Segundo o paspas pa sa segundo ang panukod niini.

Reference: wikipedia

NOTE:Pero angay ninyong masayran nga ang blurring magamit pud sa photography/videography art sa tama nga aplikasyon basi sa gikinahanglan.

Ang ISO - mao ang sukod sa "sensitivity sa image sensor" sa camera. Kung mag-shoot sa gawas nga lugar, ang ISO number naa sa mga 100, apan magkataas kung naa sa sulod mag-shoot labi na kulang ang hayag. Mahimo nimong "manual" i-adjust kini pataas pero kung masobrahan, mogawas ang morag lamok-lamok (grainy) busa kinahanglan i-adjust sa tama gayud, mao nga angay magdugang ug suga.

Reference: photography life.

NOTE: Kasagaran ang mga smartphone maayo ang "auto-adjustment" pero mas maayo nga kung nakabalo na ta niini, atong i-adjust sa "MANUAL" kauban sa pag lock sa exposure. Ayaw sa kalibog, naay video sa ubos nga mag demonstrate o mag-mostra unsa imong buhaton sa pag-adjust.

Tan-awa kining unang video mahitungod sa pag-adjust sa imong cellphone camera aron mag-shoot nga naa sa standard.

Unsaon paghimo ug slow motion shot? Tan-awa kining salida gikan sa #teampixel #google #pixel (English kini gikan sa YouTube)

Unsaon paghimo ug photosphere shot? Tan-awa kining salida gikan sa Google Maps (English kini gikan sa YouTube)

Quiz 1.1 Mubo ug Sayon nga mga Pangutana aron Masukod nimo imong Nasabtan. Ayaw kabalaka, kung dili ka kapasar sa unang higayon pwede kang mobalik pagkuha niini - Palihug Pinduta

Learning Content 2 | Mga Angay Hibaw-an sa Lighting para Tin-aw ang Kuha sa Shooting

Review: Sa miaging leksyon, duna’y lightings na nga gi-apply; ang pagbalhin sa lokasyon kung "against the light" ug ang pag-gamit sa "AE/AF lock". Karon atong tun-an ang uban pang mga pamaagi sa pagpatin-aw sa shoot pinaagi sa lightings “natural” man o “artificial” gamit ang smartphone o smartphone.

Unsa ang duha ka klase sa "lightings"?

Natural light - mao kini ang hayag sa adlaw o "ambiance".

Artificial light - mao kini ang mga studio lightings nga gamitin kung kulang ang kahayag labi na sa sulod sa estruktura o balay.

Unsa'y kahulugan sa "Softlight" ug "Hardlight?

Soft light - ang eksaktong kahayag nga halos moputos sa modelo/subject, walay "harsh shadow" o hait nga anino. Kung sa natural light, mabatian kini sa mga oras gikan sa alas 5:00 pasado sa buntag hangtud mga alas 8:00 sa buntag / alas 5:00 pasado sa hapon ug sa dili pa magkilok-kilom. Kung sa artificial light, gitabutan ang suga ug "filter", diffuser o pantabon nga mulusot gihapon ang kahayag apan dili na kusog sama sa "softbox", "umbrella", "reflector" ug uban pa. Kasagaran, mao kini ang ganahan sa mga kustomer.

Hard light - kabaligtaran kini sa softlight nga dunay harsh shadow; sa natural light, mabati kini mga alas 9:00 pasado sa butag hangtud alas 4:00 pasado sa hapon. Kung sa artificial light, walay filter/diffuser ang suga.

NOTA: Iya-iya ang aplikasyon niining duha ka lightings dili ka kaingon nga mas nindot ang softlight kaysa hardlight - nagdepende kung unsa ang gusto nimong epekto.

Uso nga Lighting para sa Smartphones- LED (Light Emtting Diode) nga lighting nga pwede ma-adjust ang kahayagon pinaagi sa pagtuyok sa "Dimmer" knob.

Unsa ning Lowlight?- Kung ang kwarto medyo ngit-ngit o di kaha sa gawas ngit-ngit na ang palibot, kini sila gitawag nga naa sa lowlight - kulang na ang kahayag nga kaya sa linti (camera lens) sa cellphone, mao'y hinungdan nga mogamit na ug artifial light.

Reference: amazon.com

Unsa ning 3-Point Lighting?- Dugay na nga standard nga teknik sa studio kini sila mao ang:
Key light - pinakakusog nga suga nga mag-iwag sa subject
Fill light - motabang aron mohabol sa kusog o hait nga anino (harsh shadow) gikan sa key light.
Backlight - ang suga sa likod mag iwag aron makita ang kalahian sa subject ug iyang background o palibot.
NOTA: - Di kinahanglan nga kanunay kining gamiton apan pina-agi niining prinsipula, makabalo ka mo-analisa kung unsaon sa pag shoot nga tin-aw ang larawan nga imong mapagawas kung naa sa medyo ngit-ngit nga lugar.

References: accessfram.tv & hunkie

Tan-awa kining ikaduhang video mahitungod sa pagplastar sa lighting nga tama ug pagbuhat ug mga inato nga equipo nga nindot gihapon ug resulta nga mabuhat ra sa balay.

Quiz 1.2 Mubo ug Sayon nga mga Pangutana aron Masukod nimo imong Nasabtan. Ayaw kabalaka, kung dili ka kapasar sa unang higayon pwede kang mobalik pagkuha niini - Palihug Pinduta

Learning Content 3 | Dugang nga mga Pamaagi sa pag-Shoot nga Naa sa Standard ug Dili Kurog Kauban ang Tamang Shoot, Anggulo ug Paglihok sa Kamera.

Review: Sa miaging leksyon, nahibaw-an nato ang mga paagi sa pagplastar sa lightings natural man o artipisyal, duna usab gamay nga impormasyon unsaon nga dili mokurog ang kuha pinaagi sa pagamit ug tripod ug remote/timer.

Niining higayona atong tukibon ang mga pamaagi sa pag-shoot nga tama ang anggulo ug paglihok sa kamera nga dili kurog ang kuha.

ANG MGA KLASE SA ANGGULO ug SHOOT. Sa ubos gipakita ang mga standards sa pag shoot:

EXTREME LONG SHOT (Layo ug halapad kaayo nga background, sama sa "cityscape", "landscape" ug mga susama niini. Sa video maayo kini gamiton isip introduksyon o Establishing shot)

Reference: pinterest.ph

LONG SHOT (May halapad nga background apan medyo mas gamay kaysa extreme long shot ug nagapakita ug mga tao o butang.)

Reference: dissolve

FULL SHOT (Shot nga gisiguro nga makuha gikan sa ulo hangtod sa tiil)

Reference: Animal Fair

POINT OF VIEW SHOT (Ginatawag usab kin nga POV. Shot nga morag ikaw mismo ang nagatan-aw.)

Reference: shutterstock sample photo

EXTREME CLOSE UP SHOT (Gamit kaayo kini kung ipakita mo lang ang isa ka parte sa katibuk-an aron matagaan ug importansya ang nahisgutang parte - niining larawan gi-focus ang usa ka importanteng parte sa makinang panahi).

Reference: Fabric Direct Online

CLOSE UP SHOT (Shot nga naka tutok sa nawong; sa unang litrato, kompleto ang ulo apan sa sunod duna'y mga putol-style kini sa Holywood films. Naa'y kalambigit nga impormasyon unya kung hisgutan na nato ang Rule of Thirds).

References:Learn about film & PremiumBeat

MID SHOT (Shot kutob sa may hawak).

Reference:Movie jawn

BIRD'S EYE VIEW ANGLE (Shot sama sa makita sa langgam o drone. Kini nagahatag sa impresyon nga gahum kay ibabaw ka sa tanan. Pwede usab kining gamiton nga pang-intro o establishing).

Reference:Flickr

HIGH ANGLE (Susama dyutay sa bird's eye view kay morag gamhanan ang nagtan-aw ug ubos nga nilalang ang iyang nakita sa ubos).

Reference:StudioBinder

EYE LEVEL ANGLE (Naghatag ug impresyon nga ang gatan-aw ug ang gitan-aw sama ra ug level. Sagad nga anggulo nga ginahimo).

Reference:NoFilmSchool

LOW ANGLE (Naghatag ug impresyon nga ang gatan-aw mas ubos ug kahimtang ug ang gitan-aw morag gamhanan).

Reference:Ed Gonzales

DUTCH ANGLE (Naghatag ug impresyon nga ang karakter nalipong o nalibog).

Reference:StudioBinder

Quiz 1.3a Mubo ug Sayon nga mga Pangutana aron Masukod nimo imong Nasabtan. Ayaw kabalaka, kung dili ka kapasar sa unang higayon pwede kang mobalik pagkuha niini - Palihug Pinduta

Rule of Thirds ug Golden Ratio Sa imong pag shoot sa komposisyon sa imong modelo/subject ug sa iyang palibot, adunay balaod niini, atong tun-an kini. Ang Rule of Third mao ang mga linya ug mga tulo (3) ka bahin nga pwedeng ipakita o walaon sa imong selfon – mga giya kini nga imong targeton.

References: Pretty Presets & FixThePhoto

RULE of THIRDS para sa CLOSE UP SHOT (Ang MATA angay nga nasakop sa UNANG THIRD pababag. Gilikayan niini nga modako ang sukod sa "Head room" kay ngil-ad tan-awon. Sa Holywood films, ginaputol gani nila ang ubang parte sa ulo).

References:Learn about film & PremiumBeat

RULE of THIRDS para sa MID SHOT (Ang ULO angay nga nasakop sa UNANG THIRD pababag. Gilikayan niini nga modako ang sukod sa "Head room" kay ngil-ad tan-awon.).

Reference:Movie jawn

GOLDEN RATIO (Walay kalahian sa aplikasyon sa rule of thirds, sa porma lang sila nagalahi).

Reference:Movie jawn

GOLDEN RATIO (Walay kalahian sa aplikasyon sa rule of thirds, sa porma lang sila nagalahi).

References:DesignWizard & ExpertPhotography

RULE of THIRDS ug GOLDEN RATIO sa SELFON (Palihug pangitaa lang sa imong selfon ang setting sa pagpagawas niini. Ang sample sa ubos sa ako kini nga selfon).

KOMPOSISYON sa PAG SHOT

LEADING LINES - mga linya nga dunay gipadulngan nga direksyon. Wala'y limit kini bisan unsang butang nga duna'y susama niini.

References:Intro to Photography & sample sa pinterest

REPETITION & PATTERN - pangita ug bisan unsang butang o tanum nga duna'y nagabalik-balik nga porma o pattern.

References:digital-photo-secrets & Mc Murray Art Room

TEXTURE - sa sample nga mga larawan, panit ra kini sa kahoy ug mga ligid apan nindot tan-awon ang texture nila.

References:format.com & besthqwallpapers.com

FRAMING - bisan unsa nga butang basta morag moputos sa unahan nga talan-awon.

References:weeditphotos & feltmagnet

PERSPECTIVE - mga dili tinuod nga talan-awon, lamat lamang sa mata gamit ang mga distansya sa nagkalain-lain nga subjects.

References:Rion Sabean & picturecorrect

NOTA: Naa pa'y uban apan dili pa kaayo ninyo magamit isip baguhan pa - makalibog ra hinoon kaninyo.

MGA GAMIT ARON DILI MOKUROG ANG KAMERA.

MGA KASAGARANG GAMIT ARON DILI MOKUROG ANG SHOT Ang standard nga Tripod mahal kaysa Gorilla tripod (naa lang sa mga 200 pesos) apan mas mahal ang Gimbal (naa sa mga 5mil pataas) Apan AYAW KABALAKA NAA AKO'Y ITUDLO NGA HULIP NIINI NGA HALOS WALA'Y GASTO.

Reference: Amazon.com

DIY TRIPOD PARA SA SELFON (Mga INATO halos wala kay gastuhon).

Reference:CNET on YouTube

Tan-awa kining paagi sa pag stabilize halos way gasto.

MGA STANDARD NGA PAGPALIHOK SA KAMERA. Ang mga musunod mao ang mga posisyon, lihok ug mga gamit alang sa kamera. Ayaw kabalaka nga wa kay mga ingon niining mga gamit, ang importante sun-on nimo ang mga direksyon ug lihok.

PANNING (Lihok sa kamera pawala-patuo o patuo-pawala).

Reference:boords.com

TILTING (Lihok paubos-pataas o pataas-paubos).

Reference:boords.com

DOLLYING (Lihok paduol-palayo, pakilid ug paibabaw padulong sa subject).

Reference:proaim.be

TRACK-DOLLYING (Lihok paduol-palayo ug pakilid sa subject gamit ang morag riles sa train).

Reference:diy photography.net

SLIDING (Lihok paduol-palayo ug pakilid sa subject gamit ang slider).

Reference:Photography and Cinema

Quiz 1.3b Mubo ug Sayon nga mga Pangutana aron Masukod nimo imong Nasabtan. Ayaw kabalaka, kung dili ka kapasar sa unang higayon pwede kang mobalik pagkuha niini - Palihug Pinduta

Tahas Alang sa Mobuhat ug Proyekto:

I-apply ang nahibaw-an: Pag shoot ug mga litrato nga naa sa sulod sa balay maingon man sa gawas sa balay. (Ayaw sa ang video sa sunod na proyekto pa kini). Nakasulat sa tamdanan kung unsa ang mga proyekto nga imong pagabuhaton.

Mga Tamdanan:

Sa CLOSE UP SHOT - sundan ang rule of third/golden ratio ug prinsipyo sa lightings.

Sa MID SHOT 1 (Gamita ang Portrait feature sa imong selfon) - sundan ang rule of third/golden ratio ug prinsipyo sa lightings.

Sa MID SHOT 2 (i-apply ang temperatura o WB nga prinsipyo) - ikaw na ang bahala kung unsang emosyon ang imong gustong ipabati sa imong magtatan-aw.

Sa PAGGAMIT ug TELON (kinahanglan DILI magduol ang kolor sa imong subject ug telon para ma establish ang contrast) - sundan ang rule of third/golden ratio ug prinsipyo sa lightings.

Sa LONG SHOT - Shoti ang pinakanindot nga landscape (nindot nga view) sa inyong lugar.

Sa LOW ANGLE - Ipakita impresyon nga ang gatan-aw mas ubos ug kahimtang ug ang gitan-aw morag gamhanan.

Sa HIGH ANGLE - Ipakita impresyon nga morag gamhanan ang nagtan-aw ug ubos nga nilalang ang iyang nakita sa ubos.

SULAYI PAGGAMIT ANG SUN GLASSES ISIP FILTER (Pag shot kapin o kulang sa alas 12 sa udto) - Ipakita ang larawan samtang wa pa gamiti sa imong filter ug kadtong imo nang gigamitan niini.

PAG SHOT UG GABII - Buhata ang kutob sa mahimo nga maklaro ug nindot ang kuha. Gamita ang mga tiknik nga gitudlo.

PAG SHOT UG PASPAS MOLIHOK NGA SUBJECT - Kinahanglan DILI BLUR sunda ang mga tiknik nga natudlo.

PAG SHOT GAMIT ANG MGA TIKNIK SA KOMPOSISYON - kini pagsukod sa imong pagka "creative" - pag shot ug tulo (3) ug kapin pa niini. Dili ka limitahan sa imong pagka mamugnaon basta paningkamot nga kini pinaka nindot sa imong pamati.

DIRI MAGSUMITE UG LITRATO o VIDEO sa PROYEKTO

Diri sa ta Kutob para dili masobrahan ang impormasyon ug makalibog na hinuon kaninyo.

Sa sunod atong paga tun-an ang mahitungod sa "BASIC VIDEO FOOTAGE ug EDITING". Busa atangi ang sunod natong topiko...kitakitz ta sunod nga pagtuon online dinhi sa TESDA XI Online sa Quarantine.